తెలంగాణ

అతనిపై కేసు నమోదైంది.. చట్ట ప్రకారం చర్యలు తీసుకుంటాం: సజ్జనార్

  • ఎమ్మెల్యే కారుకే సైడివ్వవా? అంటూ ఆర్టీసీ డ్రైవర్ పై ఎమ్మెల్యే అనుచరుడి చిందులు
  • ఈ వ్యవహారాన్ని వీడియో తీసిన ప్రయాణికుడు
  • నిందితుడిపై షాద్ నగర్ పోలీసులు కేసు నమోదు చేశారన్న సజ్జనార్

టీఎస్ఆర్టీసీ బస్ డ్రైవర్ ను ఓ ఎమ్మెల్యే అనుచరుడు బూతులు తిట్టిన వీడియో సోషల్ మీడియాలో వైరల్ అయింది. ఎమ్మెల్యే కారుకే సైడివ్వవా? అంటూ ఓ వ్యక్తి ఆర్టీసీ డ్రైవర్ వీఆర్ రెడ్డిని బూతులు తిట్టాడు. రంగారెడ్డి జిల్లా ఫరూఖ్ నగర్ మండలం సూర్యజ్యోతి కాటన్ మిల్లు సమీపంలోని జాతీయ రహదారిపై ఈ ఘటన చోటు చేసుకుంది.

వనపర్తి డిపోకు చెందిన బస్సు హైదరాబాద్ నుంచి వనపర్తికి వెళ్తోంది. ఈ సమయంలో ఎమ్మెల్యే స్టిక్కర్ ఉన్న ఓ కారు వెనక నుంచి వచ్చింది. బస్సును ఓవర్ టేక్ చేసి, బస్సు ముందు ఆగింది. కారులో నుంచి దిగిన ఇద్దరు వ్యక్తులు డ్రైవర్ తో గొడవ పడ్డారు. బస్సు డోర్ లాగే ప్రయత్నం చేశారు. డోర్ తీయకపోవడంతో కర్రతో డోరును కొట్టారు. ఈ వ్యవహారాన్ని బస్సులోని ఓ ప్రయాణికుడు సెల్ ఫోన్ తో వీడియో తీసి సోషల్ మీడియాలో అప్ లోడ్ చేయడంతో విషయం వెలుగులోకి వచ్చింది.

ఈ విషయంపై ఆర్టీసీ ఎండీ సజ్జనార్ స్పందించారు. నిందితుడిపై షాద్ నగర్ పోలీసులు కేసు నమోదు చేశారని తెలిపారు. నిందితుడిపై పోలీసులు చట్టప్రకారం చర్యలు తీసుకుంటారని చెప్పారు. చట్టం ముందు ఎవరూ ఎక్కువ కాదని అన్నారు.

Tags

Related Articles

Back to top button
error: Content is protected by G News !!
Close
Close