18 పరుగులకే ఆలౌట్‌..క్రికెట్‌ చరిత్రలో ఇదే తొలిసారి

ఇంగ్లాండ్‌లో షెవర్డ్ నీమే కెంట్ క్రికెట్‌ లీగ్‌ కొత్త చరిత్ర  సృష్టించింది. క్రికెట్‌ చరిత్రలో ఎవరూ ఊహించని సరికొత్త రికార్డు. ఫస్ట్‌ క్లాస్ క్రికెట్‌ టోర్నీలో ప్రత్యర్థి నిర్దేశించిన లక్ష్యాన్ని ఓ జట్టు కేవలం 15 నిమిషాల్లోన్నే ఛేదిచగా..దీంతో మ్యాచ్‌ కేవలం 61 నిమిషాల్లోనే ముగిసిపోయింది. 152 ఏళ్ల ఇంగ్లాండ్ క్లబ్‌ చరిత్రలో అత్యల్ప స్కోరు నమోదైంది.

లీగ్‌లో భాగంగా బెకన్హమ్‌, బెక్స్ లీ మధ్య మ్యాచ్‌ జరిగింది. తొలుత బ్యాటింగ్ చేసిన బెకన్హమ్ చరిత్రలో కనీవనీ ఎరుగని రీతిలో కేవలం 18 పరుగులకు ఆలౌటైంది. 42 నిమిషాల పాటు బ్యాటింగ్ చేసిన ఆ జట్టులో ఐదుగురు బ్యాట్‌మెన్‌ డకౌట్‌ గా వెనుదిరిగారు. ఏ ఒక్క ఆటగాడు కూడా రెండంకెల స్కోర్ చేయలేకపోయారు. ముగ్గురు బ్యాట్స్ మెన్‌లు నాలుగు పరుగులు మాత్రమే చేశారు.

ఇదే అత్యధిక వ్యక్తిగత స్కోరు. కాలమ్ మాక్‌లీడ్ ఆరు ఓవర్లు వేసి ఆరు వికెట్లు తీయగా.. జాసన్ బెన్ 5.2 ఓవర్లలో నాలుగు వికెట్లు పడగొట్టాడు. అనంతరం లక్ష్య ఛేదనకు దిగిన బెక్స్‌లీ జట్టు 3.3 ఓవర్లలో అలవోకగా టార్గెట్‌ను ఛేదించింది. క్రిష్టోఫర్ లాస్(4), ఎయిడెన్ గిగ్స్(12) మరో వికెట్ కోల్పోకుండా జాగ్రత్తగా ఆడి చరిత్రాత్మక విజయాన్ని అందించారు.